ഹൃദയം കൊണ്ടെഴുതുന്ന കവിത

ഹൃദയം കൊണ്ടെഴുതുന്ന കവിത
പ്രണയാമൃതം അതിന്‍ ഭാഷ
അർത്ഥം അനര്‍ത്ഥമായ് കാണാതിരുന്നാല്‍
അക്ഷരത്തെറ്റ് വരുത്താതിരുന്നാല്‍
അതു മഹാകാവ്യം ദാമ്പത്യം മഹാകാവ്യം

പതറാതെ പാടിയ നാവുകളുണ്ടോ
ഇടറാതെയാടിയ പാദങ്ങളുണ്ടോ
തെറ്റും രാഗം പിഴയ്ക്കും താളം
തിരുത്തലിലൂടെ തുടരും പ്രവാഹം
ഈ ജീവഗാനപ്രവാഹം

തെളിയാത്തബന്ധത്തിന്‍ ചിത്രങ്ങൾ‍ വീണ്ടും
സഹനവര്‍ണ്ണങ്ങളാൽ‍ എഴുതണം നമ്മള്‍
വര്‍ഷംകൊണ്ടും വസന്തംകൊണ്ടും
വേനലിന്‍ പാപം കഴുകുന്നു കാലം
ആ പരബ്രഹ്മമാം കാലം..

Musician:ശ്യാം
Lyricist(s):ശ്രീകുമാരന്‍ തമ്പി
Singer(s):കെ എസ്‌ ചിത്ര
Raga(s):ശിവരഞ്ജിനി