Thursday, December 29, 2011

ഒരു വട്ടം കൂടി എന്‍ ഓര്‍മ്മകള്‍ മേയുന്ന ..

ഒരു വട്ടം കൂടി എന്‍ ഓര്‍മ്മകള്‍ മേയുന്ന
തിരുമുറ്റത്തെത്തുവാന്‍ മോഹം
തിരുമുറ്റത്തൊരു കോണില്‍ നില്‍ക്കുന്നോരാ
നെല്ലി മരം ഒന്നുലുത്തുവാന്‍ മോഹം

അടരുന്ന കായ് മണികള്‍ പൊഴിയുമ്പോള്‍
ചെന്നെടുത്തു അതിലൊന്ന് തിന്നുവാന്‍ മോഹം
സുഖമെഴും കയ്പും പുളിപ്പും മധുരവും
നുകരുവാന്‍ ഇപ്പോഴും മോഹം
തൊടിയിലെ കിണര്‍ വെള്ളം കോരിക്കുടിച്ച്
എന്തു മധുരം എന്നോതുവാന്‍ മോഹം

ഒരു വട്ടം കൂടി ആ പുഴയുടെ തീരത്തു
വെറുതെ ഇരിയ്ക്കുവാന്‍ മോഹം
വെറുതെ ഇരുന്നൊരു കുയിലിന്റെ പാട്ടു കേട്ട്
എതിര്‍ പാട്ടു പാടുവാന്‍ മോഹം

അതു കേള്‍ക്കേ ഉച്ചത്തില്‍ കൂകും കുയിലിന്റെ
ശ്രുതി പിന്‍തുടരുവാന്‍ മോഹം
ഒടുവില്‍ പിണങ്ങി പറന്നു പോം പക്ഷിയോട്
അരുതേ എന്നോതുവാന്‍ മോഹം
വെറുതേ ഈ മോഹങ്ങള്‍ എന്നറിയുമ്പോഴും
വെറുതേ മോഹിക്കുവാന്‍ മോഹം
വെറുതേ ഈ മോഹങ്ങള്‍ എന്നറിയുമ്പോഴും
വെറുതേ മോഹിക്കുവാന്‍ മോഹം..


Film: ചില്ല്
Musician: എം ബി ശ്രീനിവാസന്‍
Lyricist(s): ഓ എന്‍ വി കുറുപ്പ്
Singer(s): കെ ജെ യേശുദാസ്
click here to download

2 comments:

  1. ഒരു വട്ടം കൂടി എന്‍ ഓര്‍മ്മകള്‍ മേയുന്ന
    തിരുമുറ്റത്തെത്തുവാന്‍ മോഹം
    തിരുമുറ്റത്തൊരു കോണില്‍ നില്‍ക്കുന്നോരാ
    നെല്ലി മരം ഒന്നുലുത്തുവാന്‍ മോഹം

    എനിക്കും തോന്നറുണ്ട് ഇങ്ങിനെ ചില മോഹങ്ങള്‍.....
    വെറുതേ ഈ മോഹങ്ങള്‍ എന്നറിയുമ്പോഴും
    വെറുതേ മോഹിക്കുവാന്‍ മോഹം..

    ഈ ഗാനം ആര്‍ക്കാ ഇഷ്ടപ്പെടാതിരിക്ക്യാ.....
    ആശംസ്കള്‍ വര്‍ഷ്....

    ReplyDelete
  2. ഇന്നലെകള്‍ നമുക്ക് സമ്മാനിച്ച സുന്ദരമുഹൂര്‍ത്തങ്ങളെ മനസ്സില്‍ നിന്നടര്‍ത്തികളയാന്‍ ആരാക്കാണാവുക! ഇന്നലെകളെ ഇന്നിലേയ്ക്കടര്‍ത്തുവാന്‍ എനിയ്ക്കും മോഹം..!!!

    ReplyDelete

ന്റ്റെ ഇഷ്ട ഗാനങ്ങളാണ്‍..നിങ്ങള്‍ക്കും ഇഷ്ടാവും..